കലോത്സവം

മീഞ്ചന്ത: ഗവ. വൊക്കേഷനൽ ഹയർ സെക്കൻഡറി സ്കൂൾ ഗായകൻ സഞ്ജയ് സതീഷ് ഉദ്ഘാടനം ചെയ്തു. രണ്ടുദിവസങ്ങളിലായാണ് കലാമേള നടക്കുന്നത്. സംസ്ഥാന അധ്യാപക ദിനാഘോഷത്തോടനുബന്ധിച്ച് നടന്ന ഗാനാലാപന മത്സരത്തിൽ വിജയിച്ച സ്കൂളിലെ സംഗീതധ്യാപിക സിസിലിക്ക് ഉപഹാരം നൽകി. പി.ടി.എ പ്രസിഡൻറ് പി.എം. സുരേഷ് ബാബു അധ്യക്ഷത വഹിച്ചു. കൗൺസിലർ കെ. നജ്മ, പ്രിൻസിപ്പൽ അബ്ദുൽ കബീർ, ഉദീഷ് കുമാർ, പൂർവ വിദ്യാർഥി സംഘടന ജോ. സെക്രട്ടറി സുബൈർ, ഫൈസൽ, സക്കീർ, പി. റഹീന, ജ്യോതിഷ് കുമാരി, കെ.പി. സിന്ധു എന്നിവർ സംസാരിച്ചു. ഹെഡ്മിസ്ട്രസ് വി.ജി. ജീത സ്വാഗതവും സ്റ്റാഫ് സെക്രട്ടറി എം.പി. മോഹനൻ നന്ദിയും പറഞ്ഞു.