മലയോര കർഷക​െര കുടിയിറക്കാനുള്ള നീക്കം നേരിടും ^​കെ.എം. മാണി

മലയോര കർഷകെര കുടിയിറക്കാനുള്ള നീക്കം നേരിടും -കെ.എം. മാണി കോഴിക്കോട്: മലയോര കർഷകെര കുടിയിറക്കാനുള്ള നീക്കം അപലപനീയമാണെന്നും അതിനെ എന്തുവിലകൊടുത്തും നേരിടുമെന്നും കേരള കോൺഗ്രസ് (എം) ചെയർമാൻ കെ.എം. മാണി. കേരള കോൺഗ്രസ് ജില്ല കമ്മിറ്റി സംഘടിപ്പിച്ച നേതൃസംഗമം ഉദ്ഘാടനം ചെയ്യുകയായിരുന്നു അദ്ദേഹം. കേന്ദ്ര-കേരള സർക്കാറുകൾ കാർഷിക മേഖലയെ അവഗണിച്ചിരിക്കുകയാണെന്നും അദ്ദേഹം പറഞ്ഞു. ജില്ല പ്രസിഡൻറ് ജോൺ പൂതക്കുഴി അധ്യക്ഷത വഹിച്ചു. ജോസ് കെ. മാണി എം.പി, ജോയ് എബ്രഹാം എം.പി, റോഷി അഗസ്റ്റിൻ എം.എൽ.എ, മോൻസ് ജോസഫ് എം.എൽ.എ, തോമസ് ഉണ്ണിയാടൻ, മുഹമ്മദ് ഇഖ്ബാൽ എന്നിവർ സംസാരിച്ചു. ടി.എം. ജോസഫ് സ്വാഗതവും സന്തോഷ് കുര്യൻ നന്ദിയും പറഞ്ഞു.