'ഭാർഗവീനിലയ'ത്തെ ഓർമിപ്പിച്ച് ബി.എസ്​.എൻ.എൽ എക്സ്​ചേഞ്ച്

വടകര: മാക്കൂൽ പീടിക ടെലിഫോൺ എക്സ്ചേഞ്ചും പരിസരവും കണ്ടാൽ വൈക്കം മുഹമ്മദ് ബഷീറി‍​െൻറ കഥയായ ഭാർഗവീനിലയമാണ് ഓർമ വരുകയെന്നാണ് നാട്ടുകാരുടെ ആക്ഷേപം. എക്സ്ചേഞ്ചും പരിസരവും കാട് മൂടി ക്കിടക്കുകയാണ്. മതിൽകെട്ടിനുള്ളിൽ പ്രവർത്തിക്കുന്ന ഓഫിസി‍​െൻറ മുൻവശത്തെ മുറ്റം ഒഴികെയുള്ള മറ്റ് ഭാഗങ്ങൾ കാടുപിടിച്ച് കിടക്കുകയാണ്. കോമ്പൗണ്ടിനുള്ള വാട്ടർ ടാങ്കും കാട് മൂടിയനിലയിലാണ്. റോഡരികിലെ തണൽ മരം പടർന്നു ഓഫിസ് കെട്ടിടത്തിന് ഭീഷണിയായിട്ട് കാലമേറെയായി. കരാർ തൊഴിലാളികളുൾപ്പെടെ 11ജീവനക്കാരുണ്ടിവിടെ. 2000ത്തോളം ഉപഭോക്താക്കളാണ് എക്സ്ചേഞ്ചിന് കീഴിലുള്ളത്.