വർഗീയ ഫാഷിസത്തിനെതിരെ കോൺഗ്രസ് ഉപവാസം

വേളം: 'വർഗീയ ഫാഷിസത്തിനെതിരെ ഗാന്ധിജിയിലേക്കു മടങ്ങു' എന്ന സന്ദേശമുയർത്തി മണ്ഡലം കോൺഗ്രസ് കമ്മിറ്റി ഉപവാസം നടത്തി. കെ.പി.സി.സി നിര്‍വാഹക സമിതിയംഗം വി.എം. ചന്ദ്രൻ ഉദ്ഘാടനം ചെയ്തു. കെ.സി. ബാബു അധ്യക്ഷത വഹിച്ചു. ഡി.സി.സി ജനറൽ സെക്രട്ടറി മഠത്തിൽ ശ്രീധരൻ, എൻ.വി. അബ്ദുല്ല, കെ.കെ. അബ്ദുല്ല, കെ.കെ. കുഞ്ഞിരാമൻ നമ്പ്യാർ, എം. ഗോപാലൻ, മോളി മൂയ്യോട്ടുമ്മൽ, പി. സോമനാഥൻ, മുഹമ്മദ് ഹബീബ്, കെ.ടി. സുധാകരൻ എന്നിവർ സംസാരിച്ചു. ഉപവാസം നടത്തി കായക്കൊടി: മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ നടത്തിയ ഉപവാസം ഡി.സി.സി ജനറൽ സെക്രട്ടറി സി.വി. കുഞ്ഞികൃഷ്ണൻ ഉദ്ഘാടനം ചെയ്തു. ഒ.പി. മനോജ് അധ്യക്ഷത വഹിച്ചു. കോങ്കോട്ട് മൊയ്തു, കിഴക്കയിൽ അനന്തൻ, കെ.പി. ബിജു, ഇ. ലോഹിതാക്ഷൻ, തയ്യുള്ളതിൽ നാസർ, പി.പി. മൊയ്തു, യു.വി. ബിന്ദു, ആർ. സജീവൻ, കെ.വി. ബാലൻ എന്നിവർ സംസാരിച്ചു. സ്കൂളിനു മുമ്പിൽ സീബ്രാലൈൻ പുനഃസ്ഥാപിക്കാത്തതിൽ പ്രതിഷേധം കുറ്റ്യാടി: വടകര റോഡിൽ എം.ഐ.യു.പി സ്കൂളിനു മുമ്പിലെ മാഞ്ഞ സീബ്രാലൈൻ പുനഃസ്ഥാപിക്കാത്തതിനെതിരെ സ്കൂൾ സ്കൗട്ട്, ജെ.ആർ.സി, ഗൈഡ് വിദ്യാർഥികൾ പ്രതീകാത്മകമായി സീബ്രാലൈൻ വരച്ചു. പി.ടി.എ പ്രസിഡൻറ് സി.എച്ച്. ശരീഫ്, പി. ജമാൽ, എം. ഷഫീഖ്, ഫാത്തിമ ഇഫാറ, സഫ്വാൻ, നാജിർ എന്നിവർ നേതൃത്വം നൽകി.