വാഹന പ്രചാരണ ജാഥക്ക് സ്വീകരണം

എടച്ചേരി: ഡോ. രാം മനോഹർ ലോഹ്യ 50ാം ചരമവാർഷിക ആചരണത്തി​െൻറ ഭാഗമായി ഒക്ടോബർ 12ന് കോഴിക്കോട് കടപ്പുറത്ത് നടക്കുന്ന അനുസ്മരണ റാലിയുടെ പ്രചാരണാർഥമുള്ള യുവജനതാദൾ-യു ജില്ല പ്രസിഡൻറ് നയിക്കുന്ന വാഹന ജാഥക്ക് എടച്ചേരി ചുണ്ടയിൽ ജനതമുക്കിൽ സ്വീകരണം നൽകി. യുവ ജനതാദൾ-യു നാദാപുരം മണ്ഡലം പ്രസിഡൻറ് വത്സരാജ് മണലാട്ട് അധ്യക്ഷത വഹിച്ചു. ജാഥ ലീഡർ രാമചന്ദ്രൻ കുയ്യണ്ടി, സുനിൽ ഓടയിൽ, മനേഷ് കുളങ്ങര, കെ.കെ. മധു, പി.സി. സതീഷ്, പ്രഭീഷ് ആദിയൂർ, ഷാജി പന്നിയങ്കര, ജനതാദൾ മണ്ഡലം പ്രസിഡൻറ് പി.എം. നാണു, സെക്രട്ടറി എം.പി. വിജയൻ, എം. ബാബുരാജ്, കെ. രജീഷ്, ടി.കെ. ബാലൻ എന്നിവർ സംസാരിച്ചു. സോളിഡാരിറ്റി യൂത്ത് മീറ്റ് വേളം: സോളിഡാരിറ്റി യൂത്ത് മീറ്റ് മുൻ സംസ്ഥാന പ്രസിഡൻറ് ടി. മുഹമ്മദ് വേളം ഉദ്ഘാടനം ചെയ്തു. ഇ. ബഷീർ അധ്യക്ഷത വഹിച്ചു. ടി.കെ. ശംസീർ, ടി.പി. അജ്മൽ, അലി പി. ഖാസിം എന്നിവർ സംസാരിച്ചു.