സർവിസ്​ പെൻഷനേഴ്​സ്​ യൂനിയൻ ധർണ നടത്തി​

ചേളന്നൂർ: അടിയന്തരാവശ്യങ്ങൾ സർക്കാർ അംഗീകരിക്കാത്തതിൽ പ്രതിഷേധിച്ച് കേരള സ്റ്റേറ്റ് സർവിസ് പെൻഷനേഴ്സ് യൂനിയൻ ധർണ നടത്തി. പങ്കാളിത്ത പെൻഷൻ പദ്ധതി റദ്ദു ചെയ്യുന്നതിനുള്ള സത്വര നടപടികൾ സ്വീകരിക്കുക, പെൻഷൻ പരിഷ്കരണ കുടിശ്ശിക ശേഷിക്കുന്നതെങ്കിലും ഒറ്റത്തവണയായി നൽകുക തുടങ്ങിയ ആവശ്യങ്ങൾ ഉന്നയിച്ചാണ് ബ്ലോക്ക് തല ധർണ നടത്തിയത്. കുമാരസ്വാമിയിൽ നടത്തിയ ധർണ രക്ഷാധികാരി കെ. രാമനുണ്ണിനായർ ഉദ്ഘാടനം ചെയ്തു. ബ്ലോക്ക് കമ്മിറ്റി പ്രസിഡൻറ് പി.കെ. വസന്തകുമാരി അധ്യക്ഷത വഹിച്ചു. ജില്ല കമ്മിറ്റി സെക്രട്ടറി എ. വേലായുധൻ, ഡോ. പി. ശ്രീമാനുണ്ണി, എൻ. കുമാരൻനായർ, പി. ശ്രീധരൻനായർ, കെ. ശശിധരക്കുറുപ്പ് എന്നിവർ സംസാരിച്ചു. കെ. അശോകൻ സ്വാഗതവും കെ. ആലിക്കോയ നന്ദിയും പറഞ്ഞു.