കുംഭാര സമുദായ സഭ കിര്‍ത്താഡ്‌സ് മാര്‍ച്ച് നാളെ

കോഴിക്കോട്: കുംഭാര സമുദായത്തെ പട്ടികജാതിയില്‍ ഉള്‍പ്പെടുത്തുന്നതിനുള്ള ശിപാര്‍ശ പഠനറിപ്പോര്‍ട്ട് സർക്കാറിൽ സമര്‍പ്പിക്കാത്തതില്‍ പ്രതിഷേധിച്ച് കേരള കുംഭാര സമുദായസഭ സംസ്ഥാന കമ്മിറ്റിയുടെ നേതൃത്വത്തില്‍ തിങ്കളാഴ്ച കിര്‍ത്താഡ്‌സ് ഓഫിസിലേക്ക് മാര്‍ച്ചും ധര്‍ണയും നടത്തും. രാവിലെ 11ന് ഡോ. എം.ജി.എസ്. നാരായണന്‍ ഉദ്ഘാടനം ചെയ്യും. മാത്തൂര്‍ കമീഷ​െൻറ തെറ്റായ റിപ്പോര്‍ട്ടി​െൻറ അടിസ്ഥാനത്തിലാണ് സമുദായത്തിന് ആനുകൂല്യം നഷ്ടമായത്. 28 വർഷമായി ആനുകൂല്യം നഷ്ടപ്പെട്ടിട്ട്. റിപ്പോർട്ട് ഉടൻ സമർപ്പിക്കുമെന്ന് പറയുന്നുണ്ടെങ്കിലും വർഷങ്ങളായി പലകാരണങ്ങളാൽ വൈകിക്കുകയാണെന്ന് അവർ കുറ്റപ്പെടുത്തി. സംസ്ഥാന പ്രസിഡൻറ് കെ.എന്‍. ബാബുരാജ്, അജിത് പറമ്പിൽ, ഗോവിന്ദന്‍ ഒളവണ്ണ എന്നിവര്‍ വാർത്തസമ്മേളനത്തിൽ പങ്കെടുത്തു.