കൊടുവള്ളി ഉപജില്ല സ്കൂൾ കലോത്സവം ചൊവ്വാഴ്ച തുടങ്ങും

കൊടുവള്ളി: കൊടുവള്ളി ഉപജില്ല കലോത്സവത്തി​െൻറ ഭാഗമായ അറബിക് സാഹിത്യോത്സവവും സംസ്കൃതോത്സവവും 21, 22, തീയതികളിൽ കെ.എം.ഒ. ഹയർ സെക്കൻഡറി സ്കൂളിൽ നടക്കുമെന്ന് സ്വാഗതസംഘം ഭാരവാഹികൾ വാർത്തസമ്മേളനത്തിൽ അറിയിച്ചു. പ്രൈമറിതലംതൊട്ട് ഹയർ സെക്കൻഡറി വരെയുള്ള എഴുപതോളം സ്കൂളിൽനിന്ന് മൂവായിരത്തോളം മത്സരാർഥികൾ പങ്കെടുക്കും. പരിപാടികളുടെ ഉദ്ഘാടനം ചൊവ്വാഴ്ച വൈകീട്ട് നാലിന് എം.കെ. രാഘവൻ എം.പി. നിർവഹിക്കും. നഗരസഭ ചെയർപേഴ്സൻ ഷരീഫ കണ്ണാടിപ്പൊയിൽ അധ്യക്ഷത വഹിക്കും. ബുധനാഴ്ച വൈകീട്ട് നാലിന് നടക്കുന്ന സമാപനസമ്മേളനം കാരാട്ട് റസാഖ് എം.എൽ.എ ഉദ്ഘാടനം ചെയ്യും. പി.ടി.എ. റഹീം എം.എൽ.എ സമ്മാനദാനം നടത്തും. ബ്ലോക്ക് പഞ്ചായത്ത് പ്രസിഡൻറ് ഏലിയാമ്മ ജോർജ് അധ്യക്ഷത വഹിക്കും. വാർത്താസമ്മേളനത്തിൽ എ.ഇ.ഒ കെ.ജി. മനോഹരൻ, ചെയർമാൻ പി.ഐ.വാസുദേവൻ നമ്പൂതിരി, കൺവീനർ കെ.കെ. ബാലസുബ്രഹ്മണ്യൻ, എം. അബ്ദുൽ അസീസ്, ഇ. അബ്ദുൽ അസീസ്, പി. അനീസ്, വി. ഹമീദ്, കെ.കെ.എ. ജബ്ബാർ, ഷാജഹാൻ അലി അഹമ്മദ് എന്നിവർ പങ്കെടുത്തു.