തൊഴിലാളിദ്രോഹ നയങ്ങൾക്കെതിരെ കെ.എസ്​.ആർ.ടി.സി ജീവനക്കാരുടെ പ്രതിഷേധ ജ്വാല

കോഴിേക്കാട്: എൽ.ഡി.എഫ് സർക്കാർ കെ.എസ്.ആർ.ടി.യിൽ നടപ്പാക്കിയ ഡ്യൂട്ടി പരിഷ്കരണത്തിലും ഷെഡ്യൂൾ പരിഷ്കരണത്തിലും പ്രതിഷേധിച്ച് ട്രാൻസ്പോർട്ട് ഡെമോക്രാറ്റിക് ഫെഡറേഷ​െൻറ (ടി.ഡി.എഫ്) നേതൃത്വത്തിൽ പ്രതിഷേധ ജ്വാല നടത്തി. രാവിലെ മുതൽ വൈകീട്ട് അഞ്ചുവരെ ഡിപ്പോ അങ്കണത്തിലായിരുന്നു ജ്വാല സംഘടിപ്പിച്ചത്. ഡ്രൈവേഴ്സ് യൂനിയൻ സംസ്ഥാന വർക്കിങ് പ്രസിഡൻറ് സണ്ണി തോമസ് ഉദ്ഘാടനം ചെയ്തു. ഇടതു സർക്കാർ കെ.എസ്.ആർ.ടി.സിയിൽ നടപ്പാക്കിയ അശാസ്ത്രീയമായ പരിഷ്കാരങ്ങൾ സ്ഥാപനത്തെ കൂടുതൽ പ്രതിസന്ധിയിലാക്കിയെന്ന് സണ്ണി തോമസ് പറഞ്ഞു. ടി. അനൂപ് അധ്യക്ഷത വഹിച്ചു. ട്രാൻസ്പോർട്ട് വർക്കേഴ്സ് യൂനിയൻ സംസ്ഥാന ജനറൽ സെക്രട്ടറി ആർ. ശശിധരൻ മുഖ്യപ്രഭാഷണം നടത്തി. ടി.കെ. നൗഷാദ്, ഇ.കെ. ജോർജ്, കെ. സുനിൽ, പി. ഷൈജു, പി.കെ. ബാബുരാജ്, ആർ.ഡബ്ല്യു. ഭാസ്കരൻ, ഇ. സുനിൽകുമാർ, സി.എം. സഹാദത്ത്, െഎ.എൻ.ടി.യു.സി ജില്ല പ്രസിഡൻറ് എം. രാജൻ, രമ്യ ഹരിദാസ് എന്നിവർ സംസാരിച്ചു. സമാപന സമ്മേളനം ഡി.സി.സി പ്രസിഡൻറ് ടി. സിദ്ദീഖ് ഉദ്ഘാടനം ചെയ്തു.