ഉപജില്ല സ്കൂൾ കലോത്സവം: പേരാമ്പ്ര എച്ച്.എസ്.എസ് മുന്നിൽ

പേരാമ്പ്ര: കായണ്ണ ഗവ. ഹയർ സെക്കൻഡറി സ്കൂളിൽ നടക്കുന്ന പേരാമ്പ്ര ഉപജില്ല സ്കൂൾ കലോത്സവത്തിൽ ഹൈസ്കൂൾ ജനറൽ വിഭാഗത്തിലും സംസ്കൃതോത്സവത്തിലും പേരാമ്പ്ര ഹയർ സെക്കൻഡറി സ്കൂൾ മുന്നിട്ടുനിൽക്കുന്നു. ഹയർ സെക്കൻഡറി ജനറൽ നടുവണ്ണൂർ ഗവ. ഹയർസെക്കൻഡറിയും യു.പി വിഭാഗത്തിൽ പേരാമ്പ്ര സ​െൻറ് ഫ്രാൻസിസ് ഇംഗ്ലീഷ് മീഡിയം സ്കൂളും മുന്നിലാണ്. അറബി സാഹിത്യോത്സവത്തിൽ നൊച്ചാട് ഹയർസെക്കൻഡറി സ്കൂൾ ജേതാക്കളായപ്പോൾ പേരാമ്പ്ര ഹയർ സെക്കൻഡറി രണ്ടാം സ്ഥാനം നേടി. ജില്ല പഞ്ചായത്ത് പ്രസിഡൻറ് ബാബു പറശ്ശേരി ഉദ്ഘാടനം ചെയ്തു. ബ്ലോക്ക് പ്രസിഡൻറ് എ.സി. സതി അധ്യക്ഷത വഹിച്ചു. എ.ഇ.ഒ സുനിൽ കുമാർ അരീക്കാംവീട്ടിൽ, കായണ്ണ ഗ്രാമപഞ്ചായത്ത് പ്രസിഡൻറ് എൻ. പത്മജ, എച്ച്.എം ഫോറം കൺവീനർ എം. സുഭാഷ്, ജനറൽ കൺവീനർ ശ്യാമിനി, പ്രധാനാധ്യാപിക പുഷ്പലത എന്നിവർ സംസാരിച്ചു.