നരിക്കുനി ഗവ. ആശുപത്രിയിൽ മുഴുസമയം കാഷ്വാലിറ്റി ഏർപ്പെടുത്തണം

നരിക്കുനി: നരിക്കുനി കമ്യൂണിറ്റി ഹെൽത്ത് സ​െൻററിൽ 24 മണിക്കൂറും പ്രവർത്തിക്കുന്ന കാഷ്വാലിറ്റി ഏർപ്പെടുത്തണമെന്ന് സി.പി.എം നരിക്കുനി ലോക്കൽ സമ്മേളനം ആവശ്യപ്പെട്ടു. മൂത്തേടത്ത് ഗോപാലൻ അടിയോടി നഗറിൽ നടന്ന പ്രതിനിധി സമ്മേളനം സി.പി.എം ജില്ല സെക്രേട്ടറിയറ്റ് അംഗം കെ. ചന്ദ്രൻ മാസ്റ്റർ ഉദ്ഘാടനം ചെയ്തു. പി. അബ്്ദുൽ ജബ്ബാർ പതാക ഉയർത്തി. എൻ.പി. ഗിരീഷ് രക്തസാക്ഷി പ്രമേയവും എൻ. രാധാകൃഷ്ണൻ അനുശോചന പ്രമേയവും അവതരിപ്പിച്ചു. പി.സി. രവീന്ദ്രൻ, സി. മോഹനൻ, എ.എം. ദേവി എന്നിവരടങ്ങിയ പ്രസീഡിയം സമ്മേളനം നിയന്ത്രിച്ചു. കെ.പി. മോഹനൻ പ്രവർത്തന റിപ്പോർട്ട് അവതരിപ്പിച്ചു. ഏരിയ സെക്രട്ടറി ടി.കെ. സോമനാഥൻ , വി. ബാബു തുടങ്ങിയവർ സംസാരിച്ചു. ഐ. ആമിന സ്വാഗതം പറഞ്ഞു. വി.സി. ഷനോജ് സെക്രട്ടറിയായി 15 അംഗ കമ്മിറ്റിയെ സമ്മേളനം തെരഞ്ഞെടുത്തു. സി.പി. അവറാൻ മാസ്റ്റർ നഗറിൽ നടന്ന പൊതുസമ്മേളനം ജില്ല സെക്രട്ടറി പി. മോഹനൻ ഉദ്ഘാടനം ചെയ്തു. വി.സി. ഷനോജ് അധ്യക്ഷത വഹിച്ചു. മനോജ് പട്ടാനൂർ, കെ.പി. മോഹനൻ, കെ. ബാലഗോപാലൻ എന്നിവർ സംസാരിച്ചു. തുടർന്ന് ഉന്നത വിജയം നേടിയവരെ ആദരിക്കുകയും വിവിധ കലാപരിപാടികളും നടന്നു.