നഗരസഭ പൂട്ടിച്ച മെഡിക്കൽ ഷോപ്പിന്​ അനുകൂലമായി കോടതിവിധി

കോഴിക്കോട്: ലൈസൻസില്ലെന്ന് കണ്ടെത്തിയതിനെ തുടർന്ന് നഗരസഭ അടച്ചുപൂട്ടിയ മെഡിക്കൽ േഷാപ്പ് വീണ്ടും തുറക്കാമെന്ന് കോടതി. കല്ലായിറോഡിൽ പാളയം ജങ്ഷനിലെ മെഡിക്കൽ ഷോപ്പിനനുകൂലമായാണ് ഹൈക്കോടതി വിധി. കോർപറേഷൻ രണ്ടാഴ്ചക്കകം ലൈസൻസ് നൽകണമെന്നും കച്ചവടം ചെയ്യാൻ അനുവദിക്കണമെന്നും ഉത്തരവിലുണ്ട്. നടത്തിപ്പുകാരായ ചാത്തമംഗലം പാറപ്പുറത്ത് സി.എം. ജുമൈലത്ത് കെട്ടിട ഉടമകളെയും കോർപറേഷനേയും എതിർകക്ഷികളാക്കി നൽകിയ റിട്ട് ഹരജിയിലാണ് ഉത്തരവ്. 2009 മുതൽ ലൈസൻസില്ലാെത പ്രവർത്തിച്ചുവെന്ന് കണ്ടെത്തിയായിരുന്നു നടപടി. ഇതിനെതിരെ നൽകിയ ഹരജി അനുവദിച്ചുകൊണ്ടാണ് ഉത്തരവ്.