മലർവാടി വിജ്ഞാനോത്സവം: മടപ്പള്ളിയിലെ വിദ്യാർഥികൾ മുന്നിൽ

വടകര: ചോമ്പാല ഉപജില്ലതല മലർവാടി വിജ്ഞാനോത്സവം ചോമ്പാല ജി.ജെ.ബി സ്കൂളിൽ നടന്നു. ഉപജില്ലയിലെ വിവിധ സ്കൂളുകളിൽ നിന്നുള്ള നിരവധി വിദ്യാർഥികൾ പങ്കെടുത്തു. വിജയികൾക്ക് അഴിയൂർ പഞ്ചായത്ത് പ്രസിഡൻറ് ഇ.ടി. അയൂബ് സമ്മാനം വിതരണം ചെയ്തു. സി.കെ. ജലീൽ, എസ്.പി. ഹംസ, കെ. ശുഐബ് എന്നിവർ സംസാരിച്ചു. സഫീറ, റാസിഖ്, സാദിഖ്, പി.എ. അഷ്റഫ് എന്നിവർ നേതൃത്വം നൽകി. ഒന്നും രണ്ടും മൂന്നും സ്ഥാനം കരസ്ഥമാക്കിയവർ യഥാക്രമം: ഹൈസ്കൂൾ വിഭാഗം- ടി.എ. അദ്വൈത്, സൂര്യജിത്ത്, എ. സജാദ് (മൂവരും ജി.വി.എച്ച്.എസ്.എസ് മടപ്പള്ളി). യു.പി വിഭാഗം: പാർവണ പ്രദീപ്, ദേവനന്ദ മനോജ് (ഇരുവരും റൈറ്റ് ചോയ്സ് ചോമ്പാല), എം. അഭിജിത്ത് (ജി.വി.എച്ച്.എസ്.എസ് മടപ്പള്ളി). എൽ.പി വിഭാഗം: ശിവാനി (വൈക്കിലശ്ശേരി യു.പി സ്കൂൾ), നിരഞ്ജൻ കൃഷ്ണ (ചോമ്പാല നോർത്ത് എൽ.പി), കൃഷ്ണപ്രിയ (വൈക്കിലശ്ശേരി യു.പി സ്കൂൾ).