പതിമൂന്നുകാരിയെ പീഡിപ്പിക്കാൻ ശ്രമിച്ചയാൾക്കെതിരെ കേസ്

കുന്ദമംഗലം: വാടക വീട്ടിൽ മാതാവിനോടൊപ്പം താമസിക്കുന്ന പതിമൂന്ന് വയസ്സുകാരിയെ പീഡിപ്പിക്കാൻ ശ്രമിച്ചയാൾക്കെതിരെ കേസെടുത്തു. ഇൗങ്ങാപ്പുഴ സ്വദേശിയായ യുവാവ് കഴിഞ്ഞ മൂന്നുമാസമായി കുന്ദമംഗലത്ത് വാടകവീട്ടിൽ താമസിക്കുന്ന യുവതിയുടെ വീട്ടിലെ സന്ദർശകനാണ്. കഴിഞ്ഞദിവസം ഇയാൾ മകളെ പീഡിപ്പിക്കാൻ ശ്രമിച്ചതായി മാതാവ് കുന്ദമംഗലം പൊലീസിൽ നൽകിയ പരാതിയിൽ പറയുന്നു. മകളുടെ മൊഴി പ്രകാരം പോക്സോ നിയമമനുസരിച്ചാണ് കേസെടുത്തത്. ഇയാൾ പൊലീസ് കസ്റ്റഡിയിലാണ്.