ഗെയിൽ വാതക പൈപ്പിടൽ ഞായറാഴ്ചയും മുടക്കമില്ല

മുക്കം: ഗെയിൽ വാതക പൈപ്പിടൽ പ്രവൃത്തിക്ക് ഞായറാഴ്ചയും മുടക്കമില്ല. നെല്ലിക്കാപറമ്പ് , മാട്ട്മുറി, ആദംപടി, എയർപോർട്ട് റോഡ് ഭാഗങ്ങളിലാണ് 150 തൊഴിലാളികളുടെ നേതൃത്വത്തിൽ മണ്ണുമാന്തി യന്ത്രങ്ങൾ ഉപയോഗിച്ച് പണി നടന്നത്. ഇതിനിടയിൽ ശനിയാഴ്ച വൈകിട്ട് പൈപ്പുകൾ ഇറക്കിയിരുന്നു. നാല് ബസുകളിലായി പൊലീസ് സംഘവും അഗ്നിശമനസേനയും നിലയുറപ്പിച്ചിട്ടുണ്ട്.