ഒപ്പുശേഖരണ കാമ്പയിൻ

മാവൂർ: കേന്ദ്ര-സംസ്ഥാന സർക്കാറുകളുടെ ജനദ്രോഹ നടപടിക്കെതിരെ പ്രതിപക്ഷ നേതാവ് രമേശ് ചെന്നിത്തല നയിക്കുന്ന പടയൊരുക്കം ജാഥക്ക് 'ഞങ്ങളുടെ കൈയൊപ്പ്' കൈത്തൂട്ടിമുക്കിൽ നടന്നു. മുൻ ജില്ല പഞ്ചായത്തംഗം പി.സി. അബ്ദുൽ കരീം ഉദ്ഘാടനം ചെയ്തു. യു.ഡി.എഫ് ചെയർമാൻ ഒ. മുഹമ്മദ് മാസ്റ്റർ അധ്യക്ഷത വഹിച്ചു. കൺവീനർ പെരിക്കാക്കോട്ട് വിജയൻ സ്വാഗതവും മുനീർ കുതിരാടം നന്ദിയും പറഞ്ഞു. യു.ഡി.എഫ് നേതാക്കളായ സത്യൻ കുതിരാടം, ടി. മുഹമ്മദ് ഹാജി, എൻ.സി. മുഹമ്മദ്, മലയിൽ അബ്ദുറഹിമാൻ, വി.കെ. അഹമദ് എന്നിവർ സംസാരിച്ചു.