സീനിയർ ബാസ്​കറ്റ്​ബാൾ ചാമ്പ്യൻഷിപ്പിന്​ തുടക്കം

കോഴിക്കോട്: ജില്ല ബാസ്കറ്റ്ബാൾ അസോസിയേഷ​െൻറ ആഭിമുഖ്യത്തിൽ സംഘടിപ്പിക്കുന്ന സീനിയർ ബാസ്കറ്റ്ബാൾ ചാമ്പ്യൻഷിപ്പിന് തുടക്കം. ശനിയാഴ്ച രാവിലെ ഇൻഡോർ സ്റ്റേഡിയത്തിൽ ജില്ല സ്പോർട്സ് കൗൺസിൽ പ്രസിഡൻറ് കെ.ജെ. മത്തായി ഉദ്ഘാടനം ചെയ്തു. െക.ഡി.ബി.എ പ്രസിഡൻറ് എൻ.കെ. പ്രേമാനന്ദ് അധ്യക്ഷത വഹിച്ചു. ബോണി അഗസ്റ്റിൻ, തങ്കച്ചൻ എന്നിവർ സംസാരിച്ചു. സെക്രട്ടറി സി. ശശിധരൻ സ്വാഗതവും സുധീർ നന്ദിയും പറഞ്ഞു. അവസാന റൗണ്ട് മത്സരങ്ങൾ മാനാഞ്ചിറ കോർട്ടിലാണ് നടക്കുന്നത്. 10ന് വൈകീട്ട് ഫൈനൽ മത്സരങ്ങൾ അരങ്ങേറും.