'പഞ്ചായത്ത് സബ്​ സെൻറർ കമ്യൂണിറ്റി ഹെൽത്ത് സെൻററായി ഉയർത്തണം'

കക്കട്ടിൽ: കുന്നുമ്മൽ പഞ്ചായത്തിലെ മൊകേരി കലാനഗറിലെ പഞ്ചായത്ത് ഹെൽത്ത്‌ സ​െൻറർ കമ്യൂണിറ്റി ഹെൽത്ത്‌ സ​െൻററായി ഉയർത്തണമെന്ന് സി.പി.എം മൊകേരി ലോക്കൽ സമ്മേളനം അധികൃതരോട് ആവശ്യപ്പെട്ടു. മൊകേരി ഗവ. കോളജിൽ കെ.പി. ബാലൻ നഗറിൽ നടന്ന പ്രതിനിധി സമ്മേളനം സി.പി.എം ജില്ല സെക്രട്ടറി പി. മോഹനൻ ഉദ്ഘാടനം ചെയ്തു. ടി.പി. നാണു അധ്യക്ഷത വഹിച്ചു. ലോക്കൽ സെക്രട്ടറി കെ.പി. ഷാജി പ്രവർത്തന റിപ്പോർട്ട് അവതരിപ്പിച്ചു. പി. വിനോദൻ, വി.കെ. റീത്ത, ടി.പി. നാണു എന്നിവർ അടങ്ങുന്ന പ്രസീഡിയം സമ്മേളനം നിയന്ത്രിച്ചു. കെ.കെ. ദിനേശൻ, ടി.കെ. മോഹൻദാസ്, കെ.കെ. സുരേഷ്, കെ.പി. ചന്ദ്രി, എം.സി. കുമാരൻ, പി. നാണു എന്നിവർ സംസാരിച്ചു. പി. വിനോദൻ സ്വാഗതം പറഞ്ഞു. ഞായറാഴ്ച റെഡ് വളൻറിയർ മാർച്ചും ബഹുജന റാലിയും പൊതുസമ്മേളനവും സി.എച്ച് പൊക്കൻ നഗറിൽ നടക്കും.