സംയുക്ത ട്രേഡ് യൂനിയൻ പ്രചാരണ ജാഥക്ക്​ സ്വീകരണം

മേപ്പയൂർ: സംയുക്ത ട്രേഡ് യൂനിയൻ നടത്തിയ വാഹന പ്രചാരണ ജാഥക്ക് മേപ്പയൂർ ടൗണിൽ സ്വീകരണം നൽകി. കേന്ദ്ര സർക്കാറി​െൻറ ജനവിരുദ്ധ, തൊഴിലാളി വിരുദ്ധ നയങ്ങൾക്കെതിരെ സർവിസ് സംഘടനകളുടെ ദേശീയ പ്രക്ഷോഭത്തി​െൻറ ഭാഗമായി നവംബർ ഒമ്പത് മുതൽ 11 വരെ പാർലമ​െൻറിന് മുന്നിൽ നടത്തുന്ന മഹാധർണയുടെ പ്രചാരണാർഥാണ് സംയുക്ത ട്രേഡ് യൂനിയൻ വാഹന പ്രചാരണ യാത്ര നടത്തുന്നത്. എൻ.എം. കുഞ്ഞിക്കണ്ണൻ അധ്യക്ഷത വഹിച്ചു. ജാഥ ക്യാപ്റ്റൻ എസ്.ടി.യു ജില്ല പ്രസിഡൻറ് കെ.എം. കോയ, സി.പി. കുഞ്ഞമ്മദ്, എം. ലക്ഷ്മി, സുനിൽ മോഹൻ, മുജീബ് കോമത്ത്, സഞ്ജയ് കൊഴുക്കല്ലൂർ, എം. പത്മനാഭൻ, ടി.കെ. ഗോപാലൻ, എ.കെ. ചന്ദ്രൻ എന്നിവർ സംസാരിച്ചു. എം.കെ. രാമചന്ദ്രൻ സ്വാഗതം പറഞ്ഞു. വിവിധ ട്രേഡ് യൂനിയൻ സംഘടനകൾ ജാഥ ലീഡറെ ഹാരാർപ്പണം നടത്തി.