തിരുവമ്പാടി മണ്ഡലത്തിൽ ഇന്ന് ഹർത്താൽ

മുക്കം: ജനവാസ മേഖലയിലൂടെ ഗെയിൽ പൈപ്പ്ലൈൻ വലിക്കുന്നതിനെതിരെ സമരം ചെയ്യുന്ന ഇരകളേയും നാട്ടുകാരെയും പൊലീസ് മർദിച്ചതിൽ പ്രതിഷേധിച്ച് വ്യാഴാഴ്ച ഹർത്താൽ ആചരിക്കുമെന്ന് യു.ഡി.എഫ് തിരുവമ്പാടി നിയോജകമണ്ഡലം ചെയർമാൻ വി.എം. അഹമ്മദ് കുട്ടി ഹാജി, കൺവീനർ മോയൻ കൊളക്കാടൻ എന്നിവർ അറിയിച്ചു. രാവിലെ ആറു മുതൽ വൈകീട്ട് ആറു വരെയാണ് ഹർത്താൽ. തിരുവമ്പാടി നിയോജകമണ്ഡലത്തിനു പുറമെ മലപ്പുറം ജില്ലയിെല കീഴുപറമ്പ്, അരീക്കോട്, കാവനൂർ പഞ്ചായത്തുകളിലും വ്യാഴാഴ്ച ഹർത്താലിന് ആഹ്വാനം ചെയ്തതായി സമരസമിതി അറിയിച്ചു.