അർബുദ നിർണയ ക്യാമ്പ്

അത്തോളി: ഗ്രാമപഞ്ചായത്ത്, കോഴിക്കോട് മെഡിക്കൽ കോളജ്, സാന്ത്വനതീരം തോരായി എന്നിവയുടെ ആഭിമുഖ്യത്തിൽ അർബുദമുക്ത അത്തോളി എന്ന ലക്ഷ്യത്തിനായി നടത്തി. അത്തോളി ഗ്രാമപഞ്ചായത്ത് പ്രസിഡൻറ് ചിറ്റൂർ രവീന്ദ്രൻ ഉദ്ഘാടനം ചെയ്തു. പന്തലായനി ബ്ലോക്ക് വൈസ് പ്രസിഡൻറ് സബീഷ് ആലോക്കണ്ടി അധ്യക്ഷത വഹിച്ചു. കൺസ്യൂമർ ഫെഡ് ചെയർമാൻ എം. മെഹബൂബ്, ജില്ല പഞ്ചായത്ത് അംഗം എ.എം. വേലായുധൻ, ജീവതാളം ജില്ല കോ-ഓഡിനേറ്റർ തറുവൈ ഹാജി, ഹംസ മാണിക്കോത്ത്, ബ്ലോക്ക് അംഗം ഷഹനാസ്ബി, പഞ്ചായത്ത് വികസന അധ്യക്ഷൻ എൻ.വി. മോഹനൻ, പഞ്ചായത്ത് അംഗം ഷീബ രാമചന്ദ്രൻ എന്നിവർ സംസാരിച്ചു. ടി.കെ. വിജയൻ സ്വാഗതവും പി.കെ. അബ്ദുൽ റഷീദ് നന്ദിയും പറഞ്ഞു. മെഡിക്കൽ കോളജ് ഓങ്കോളജി വിഭാഗം തലവൻ ഡോ. അജയകുമാർ നേതൃത്വം നൽകി.