ATTN CLT+വൈശാഖോത്സവം: കൊട്ടിയൂരിൽ ഇന്ന് നീരെഴുന്നള്ളത്ത്

ATTN CLT+വൈശാഖോത്സവം: കൊട്ടിയൂരിൽ ഇന്ന് നീരെഴുന്നള്ളത്ത് (A) വൈശാഖോത്സവം: കൊട്ടിയൂരിൽ ഇന്ന് നീരെഴുന്നള്ളത്ത് കേളകം: കൊട്ടിയൂർ വൈശാഖോത്സവത്തിനു മുന്നോടിയായ നീരെഴുന്നള്ളത്ത് ഇന്നു നടക്കും. കോട്ടയം തിരൂർകുന്ന് മഹാഗണപതി ക്ഷേത്രത്തിൽ നിന്ന് മണിയൻ ചെട്ടിയാൻ സ്ഥാനിക​െൻറ നേതൃത്വത്തിലുള്ള കിള്ളി, വിളക്കുതിരി എഴുന്നള്ളത്ത് കൊട്ടിയൂരിൽ എത്തിച്ചേർന്നതിനുശേഷമാണ് നീരെഴുന്നള്ളത്ത് ചടങ്ങുകൾ നടക്കുക. ഒറ്റപ്പിലാൻ, പെരുങ്കലയൻ, ജന്മാശാരി, കാടൻ, കൊല്ലൻ എന്നിവർ ചേർന്ന് ഇക്കരെ ക്ഷേത്ര സന്നിധിയിലും മന്ദംചേരിയിലെ ബാവലിക്കരയിലുമായി തണ്ണീർകുടി ചടങ്ങ് നടത്തും. ഇതിനുശേഷം ജന്മസ്ഥാനികൻ പടിഞ്ഞീറ്റ രാമചന്ദ്രൻ നമ്പൂതിരിപ്പാട്, സമുദായി വിലങ്ങര നാരായണൻ ഭട്ടതിരിപ്പാട്, ഉൗരാളന്മാർ എന്നിവരുടെ നേതൃത്വത്തിൽ അടിയന്തിര യോഗക്കാർ ഒന്നായി അക്കരെ ക്ഷേത്രത്തിലേക്ക് പുറപ്പെടും. കാവിലെ പ്രത്യേക വഴിയിലൂടെ സഞ്ചരിക്കുന്ന സംഘം കിഴക്കെ നടയായ മന്ദംചേരിയിലെത്തുകയും ഉരുളിക്കുളത്തിനു സമീപത്തുള്ള കാവിൽനിന്ന് കൂവയില പറിച്ചു ബാവലിപ്പുഴയിൽ സ്നാനം നടത്തും. തുടർന്ന് ബാവലി തീർഥം കൂവയിലയിൽ ശേഖരിച്ച് അക്കരെ സന്നിധാനത്തെത്തും. മണിത്തറ സ്വയംഭൂവിൽ ഒറ്റപ്പിലാ​െൻറ നേതൃത്വത്തിലുള്ള സംഘം ആദ്യം അഭിഷേകം നടത്തും. തുടർന്ന് പടിഞ്ഞീറ്റ രാമചന്ദ്രൻ നമ്പൂതിരിപ്പാട് മണിത്തറയിൽ പ്രവേശിച്ച് ആചാര പ്രകാരം സ്വയംഭൂ സ്ഥാനത്ത് നീരഭിഷേകം നടത്തും. രണ്ടാമതായി സമുദായി ശേഖരിച്ച ബാവലിതീർഥം വാങ്ങി അഭിഷേകം നടത്തും. തുടർന്ന് ഇക്കരേക്ക് മടങ്ങും. അർധരാത്രി ആയില്യാർകാവിൽ ഈ വർഷത്തെ രണ്ടാമത്തെ പൂജയും അപ്പട നിവേദ്യവും നടത്തും. ജൂൺ ആറിനാണ് നെയ്യാട്ടം.