നടുക്കണ്ടി പാറക്കൽ റോഡ് ഉദ്ഘാടനം ചെയ്തു

മുക്കം: നഗരസഭയിൽ പ്രവൃത്തി പൂർത്തീകരിച്ച നടുക്കണ്ടി - പാറക്കൽ റോഡ് നഗരസഭ ചെയർമാൻ വി. കുഞ്ഞൻ മാസ്റ്റർ ഉദ്ഘാടനം ചെയ്തു. ഡിവിഷൻ കൗൺസിലർ ജെസ്സി രാജൻ അധ്യക്ഷത വഹിച്ചു. സാലി സിബി, ടാർസൻ ജോസഫ്, ജോർജ് അധികാരത്തിൽ, അലവി പാറക്കൽ, നസീർ വളപ്പിൽ തൊടിക എന്നിവർ സംസാരിച്ചു. ഭിന്നശേഷിക്കാരുടെ ഗ്രാമസഭ നടത്തി മുക്കം: ഭിന്നശേഷിക്കാരുടെ പ്രശ്നങ്ങൾ മനസ്സിലാക്കുന്നതിനും പദ്ധതിനിർദേശങ്ങളിൽ ഉൾപ്പെടുത്തുന്നതിനുമായി മുക്കം നഗരസഭയുടെ നേതൃത്വത്തിൽ ഭിന്നശേഷിക്കാരുടെ ഗ്രാമസഭ നടത്തി. മുക്കം ഓർഫനേജ് സ്കൂളിൽ നടന്ന പരിപാടി നഗരസഭ ചെയർമാൻ വി. കുഞ്ഞൻ മാസ്റ്റർ ഉദ്ഘാടനം ചെയ്തു. നഗരസഭ സെക്രട്ടറി എൻ.കെ. ഹരീഷ്, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൻ വി. ലീല, വികസനകാര്യ സ്റ്റാൻഡിങ് കമ്മിറ്റി ചെയർമാൻ കെ.ടി. ശ്രീധരൻ എന്നിവർ പദ്ധതിയെക്കുറിച്ച് വിശദീകരിച്ചു. ഡെപ്യൂട്ടി ചെയർപേഴ്സൻ ഫരീദ മോയിൻകുട്ടി, കൗൺസിലർമാരായ പി.ടി. ബാബു, അനിൽകുമാർ, റഫീഖ് മാടായി, അബ്ദുൽ ഗഫൂർ മാസ്റ്റർ ഗിരിജ തുടങ്ങിയവർ സംസാരിച്ചു.