പ്രേമകുമാരി ടീച്ചർക്ക് നാടി​െൻറ ആദരം

കൊടിയത്തൂർ: മികച്ച അംഗൻവാടി ടീച്ചർക്കുള്ള സംസ്ഥാന പുരസ്കാരം നേടിയ കൊടിയത്തൂർ പഞ്ചായത്തിലെ കഴുത്തുട്ടിപുറായ് അംഗൻവാടി ടീച്ചർ വി.പി. പ്രേമകുമാരിക്ക് അംഗൻവാടി വെൽെഫയർ കമ്മിറ്റി സ്വീകരണം നൽകി. എം.ഐ. ഷാനവാസ് എം.പി സ്വീകരണ ചടങ്ങ് ഉദ്ഘാടനം ചെയ്തു. പ്രേമകുമാരി ടീച്ചർക്കുള്ള നാടി​െൻറ ഉപഹാരവും സമ്മാനിച്ചു. സ്വാഗതസംഘം കൺവീനർ ടി.കെ. മൊയ്തീൻ അധ്യക്ഷത വഹിച്ചു. പഠനത്തിൽ മികവ് തെളിയിച്ച പൂർവവിദ്യാർഥികളെ ആദരിച്ചു. ഗ്രാമ പഞ്ചായത്ത് വൈസ് പ്രസിഡൻറ് സ്വപ്ന വിശ്വനാഥൻ, മെംബർമാരായ സാബിറ തറമ്മൽ, ജമീല തൊട്ടിമ്മൽ, ഐ.സി.ഡി.എസ് ഓഫിസർ ആർ.എ. സുജല, റോജ, നിയാസ് ചോല എന്നിവർ സംസാരിച്ചു. പി.കെ. ഫൈസൽ സ്വാഗതവും വി.വി. നൗഷാദ് നന്ദിയും പറഞ്ഞു.