ഹൈമാസ്​റ്റ്​ കണ്ണടച്ചു, വില്യാപ്പള്ളി ഇരുട്ടിൽ

വില്യാപ്പള്ളി: ടൗണിലെ ഹൈമാസ്റ്റ് വിളക്കണഞ്ഞതോടെ വില്യാപ്പള്ളി ടൗൺ ഇരുട്ടിലായി. കെ.കെ. ലതിക എം.എൽ.എ ആയിരുന്ന കാലത്ത് എട്ട് ലക്ഷം രൂപ എം.എൽ.എ ഫണ്ടിൽനിന്ന് അനുവദിച്ച് നിർമിച്ചതായിരുന്നു ഹൈമാസ്റ്റ് വിളക്ക്. ഇക്കഴിഞ്ഞ ദിവസം രാവിലെവരെ കത്തിയിരുന്നു. കഞ്ചാവും അനധികൃത മദ്യവും വ്യാപകമായി, ടൗൺ ഇരുട്ടിലാവുന്നതോടെ സാമൂഹികവിരുദ്ധർക്ക് സാഹചര്യം അനുകൂലമാവുമെന്ന് നാട്ടുകാർ ആശങ്കപ്പെടുന്നു. വിളക്ക് ഉടൻ അറ്റകുറ്റപ്പണി നടത്തി പൂർവസ്ഥിതിയിലാക്കണമെന്ന് നാട്ടുകാർ ആവശ്യപ്പെടുന്നു.