മെഡിക്കൽ കോളജിൽ 300 വൃക്ഷത്തൈകൾ നടും

കോഴിക്കോട്: ലോക പരിസ്ഥിതിദിനാഘോഷത്തി​െൻറ ഭാഗമായി മെഡി. കോളജ് കാമ്പസിൽ മുന്നൂറോളം വൃക്ഷത്തൈകൾ നടും. വികസനപ്രവർത്തനങ്ങൾക്കായി വെട്ടിമാറ്റിയ മരങ്ങൾക്ക് പകരമാണ് നടുന്നത്. പ്രമുഖരായ 60 വ്യക്തികൾ ചേർന്ന് 60 ഔഷധ-ഫലവൃക്ഷ തൈകൾ നട്ട് മേയ് 30ന് വൈകീട്ട് 3.30ന് പരിപാടിക്ക് തുടക്കം കുറിക്കും. മെഡിക്കൽ കോളജ് പ്രിൻസിപ്പൽ ഡോ. വി.പി. ശശിധരൻ അധ്യക്ഷത വഹിച്ചു. വിവിധ സർവിസ് സംഘടനാ പ്രതിനിധികളായ എം. മുരളീധരൻ, ഹംസ കണ്ണാട്ടിൽ, എം. അനിൽകുമാർ, മെഡിക്കൽ കോളജ് കാമ്പസ് റസിഡൻറ്സ് അസോസിയേഷൻ സെക്രട്ടറി പി.എസ്. സെൽവരാജ്, കെ.പി. ജഗന്നാഥൻ, ഡോ. ടി.വി. സുലൈമാൻ, പൊതുമരാമത്ത് അസി. എൻജിനീയർ പി.കെ. രഞ്ജി, തിരുവനന്തപുരം പാലോട് ജവഹർലാൽ നെഹ്റു േട്രാപ്പിക്കൽ ബൊട്ടാണിക്ക് ഗാർഡൻ ടെക്നിക്കൽ ഓഫിസർ എം.കെ. ശ്രീകുമാർ, എം.എ. ജോൺസൺ എന്നിവർ സംസാരിച്ചു.