ഇൻറർ മെഡിക്കോസ്​: വിദ്യാർഥികൾ ഏറ്റുമുട്ടി

കോഴിക്കോട്: മെഡിക്കൽ കോളജ് വിദ്യാർഥികളുടെ കലാ കായിക മത്സരമായ 'ഇൻറർ മെഡിക്കോസ്' സമാപനത്തിനിടെ വിദ്യാർഥികൾ തമ്മിൽ ഏറ്റുമുട്ടി. ഒരാളെ പൊലീസ് കസ്റ്റഡിയിലെടുത്തു. ആലപ്പുഴ മെഡിക്കൽ കോളജ് വിദ്യാർഥി ആദിത്യ പ്രസാദാണ് കസ്റ്റഡിയിലുള്ളത്. കോഴിക്കോട് മെഡിക്കൽ കോളജിലെയും ആലപ്പുഴ മെഡിക്കൽ കോളജിലെയും വിദ്യാർഥികൾ തമ്മിലായിരുന്നു അടിപിടി. ടീമുകളുടെ പോയൻറ് നിലയുമായി ബന്ധപ്പെട്ട തർക്കമാണ് കാരണം. ഉടൻ പൊലീസെത്തി രംഗം ശാന്തമാക്കി.