ഓൾ സ്​റ്റൈൽ മാർഷൽ ആർട്സ് ടൂർണമെൻറിന്​ സമാപനം

കോഴിക്കോട്: കാജുകാഡോ കരാട്ടേ ആൻഡ് മാർഷൽ ആർട്സ് അക്കാദമിയുടെ പത്താമത് ഫുൾ കോൺടാക്റ്റ് ഓൾ സ്റ്റൈൽ മാർഷൽ ആർട്സ് ടൂർണമ​െൻറ് സമാപിച്ചു. രണ്ടു ദിവസങ്ങളിലായി ഇൻഡോർ സ്റ്റേഡിയത്തിൽ നടന്ന ടൂർണമ​െൻറിൽ വിവിധ സംസ്ഥാനങ്ങളിൽനിന്നായി 300ൽപരം താരങ്ങൾ പെങ്കടുത്തു. കളരി, കരാേട്ട, കിക്ക് ബോക്സിങ്, മെയ്ത്തായ്, കുങ്ഫു, തൈക്വാൻഡോ തുടങ്ങി വിവിധ സ്റ്റൈലുകളിലാണ് മത്സരം നടന്നത്. ഹെവിവെയ്റ്റ് വിഭാഗത്തിൽ കാജുകാഡോ കരാട്ടേ ആൻഡ് മാർഷൽ ആർട്സ് അക്കാദമിയുടെ ദിൽജിത്ത് മാപ്പാല ഒന്നാം സ്ഥാനവും കമറു രണ്ടാം സ്ഥാനവും നേടി. വനിത വിഭാഗം ഹെവി വെയ്റ്റിങ് വിഭാഗത്തിൽ ഒക്കിനോവോ സ്കൂൾ ഒാഫ് കരാേട്ട മൈസൂറി​െൻറ ലക്ഷ്മി ഒന്നാം സ്ഥാനം നേടി. ഒക്കിനോവോ സ്കൂൾ ബംഗളൂരുവി​െൻറ നന്ദിത രാജിനാണ് രണ്ടാം സ്ഥാനം. സമാപന ചടങ്ങ് മേയർ തോട്ടത്തിൽ രവീന്ദ്രൻ ഉദ്ഘാടനം ചെയ്തു. ജില്ല സ്പോർട്സ് കൗൺസിൽ പ്രസിഡൻറ് കെ.ജെ. മത്തായി അധ്യക്ഷത വഹിച്ചു. എം. ദിലീപ് കുമാർ, സതീഷ് രാജ്, ശ്രീനിവാസൻ, ജയശ്രീ കീർത്തി, പ്രശാന്ത്, എൻ.പി. പദ്മനാഭൻ, പി. രഘുനാഥ്, ബോബി ചെമ്മണൂർ തുടങ്ങിവർ സംബന്ധിച്ചു.