പാലിയേറ്റിവ് വളൻറിയർ സംഗമം ഇന്ന്​

കക്കട്ടിൽ: കോഴിക്കോട് ഇനീഷ്യേറ്റിവ് ഇൻ പാലിയേറ്റിവ് കെയർ വടകര താലൂക്ക് കമ്മിറ്റിയുടെ ആഭിമുഖ്യത്തിൽ കോഴിക്കോട് മിംസ് ആശുപത്രിയുടെയും കുറ്റ്യാടി അമാന ആശുപത്രിയുടെയും സഹകരണത്തോടെ വടകര താലൂക്കിലെ പാലിയേറ്റിവ് വളൻറിയർമാർക്ക് വേണ്ടി നടത്തുന്ന ഏകദിന ക്യാമ്പ് ശനിയാഴ്ച നടക്കും. വട്ടോളി സഹൃദയ നഗറിൽ നടക്കുന്ന പരിപാടി കുന്നുമ്മൽ ബ്ലോക്ക് പഞ്ചായത്ത് പ്രസി. കെ. സജിത്ത് ഉദ്ഘാടനം ചെയ്യും. രാവിലെ ഒമ്പത് മണി മുതൽ നടക്കുന്ന പരിപാടിയിൽ പ്രഥമ ശുശ്രൂഷ പരിശീലനം, സാന്ത്വന പരിചരണം വെല്ലുവിളികളും പ്രതീക്ഷകളും, രോഗീപരിചരണം എന്ന വിഷയങ്ങളിൽ ക്ലാസുകൾ നടക്കും.