ദ്വീപുകാർക്ക്​ ഇത്​ കഷ്​ടപ്പാടി​െൻറ യാത്ര

ബേപ്പൂർ: ലക്ഷദ്വീപ് യാത്രാ കപ്പലിൽ കയറിപ്പറ്റാൻ ബേപ്പൂർ തുറമുഖത്തിനു സമീപത്തെ ടിക്കറ്റ്‌ കൗണ്ടറിൽ ദ്വീപ്‌ നിവാസികളുടെ പെടാപ്പാട്​. ലക്ഷദ്വീപ് കോഒാപറേറ്റിവ് മാർക്കറ്റിങ്​ ഫെഡറേഷ​​െൻറ തൊട്ടടുത്ത്‌ വളരെ പഴക്കംചെന്ന ഓടിട്ട കൊച്ചുവീടി​​െൻറ ചെറിയൊരു ഭാഗം ഗ്രിൽസ് കൊണ്ട് മറച്ചാണ് ടിക്കറ്റ്‌ കൗണ്ടർ പ്രവർത്തിക്കുന്നത്. തൊട്ടടുത്ത്​ മാലിന്യം തള്ളി വൃത്തിഹീനമായ നിലയിലാണ്​. ബേപ്പൂരിൽനിന്നും കൊച്ചിയിൽനിന്നും പുറപ്പെടുന്ന യാത്ര കപ്പലുകൾക്കുള്ള ടിക്കറ്റുകൾ മൂന്ന്​ ജീവനക്കാർ ചേർന്നാണ്​ കൊടുക്കുന്നത്​. കപ്പൽ പുറപ്പെടുന്നതി​​െൻറ മൂന്നോ നാലോ ദിവസം മുമ്പ്​ പൂരിപ്പിച്ച ഫോറം കൗണ്ടറിൽ കൊടുത്താൽ ടിക്കറ്റ്‌ അടിച്ചുകൊടുക്കണമെന്നാണ്​ ചട്ടം. എന്നാൽ, സംവിധാനങ്ങളൊന്നും ക്രമമായി നടക്കുന്നി​ല്ലെന്നാണ്​ യാത്രക്കാരുടെ പരാതി. ജീവനക്കാരുടെ ഇഷ്​ടങ്ങൾക്കൊത്താണ്​ കാര്യങ്ങളൊക്കെയെന്നാണ്​​ ദ്വീപ്‌ നിവാസികൾ പറയുന്നത്​. കപ്പൽ എന്ന് പുറപ്പെടുമെന്നോ ടിക്കറ്റ് വിതരണം എപ്പോൾ ആരംഭിക്കുമെന്നോ അറിയണമെങ്കിൽ രാവും പകലും സ്ത്രീകളും കുട്ടികളും കാത്തിരിക്കണം. നൂറുകണക്കിന് പേർ ടിക്കറ്റിനായി വരിയിൽ നിൽക്കു​േമ്പാൾ ഏതാനും ടിക്കറ്റുകൾ മാത്രം നൽകി വിതരണം നിർത്തുന്നതായും പരാതിയുണ്ട്​. ഇതുകാരണം, ഒന്നോ രണ്ടോ ദിവസത്തെ ആവശ്യത്തിനു വരുന്ന ദ്വീപുകാർ ഇവിടെ ആഴ്ചകളോളം കുടുങ്ങിപ്പോവുകയാണ്​. വീട്ടാവശ്യത്തിനുള്ള സാധനങ്ങൾ വാങ്ങാനും വിദ്യാഭ്യാസ ആവശ്യങ്ങൾക്കും ചികിത്സാർഥവും മറ്റുമാണ് ദ്വീപുകാർ വരുന്നത്. ടിക്കറ്റ് നൽകുന്ന ജീവനക്കാർ താൽപര്യമുള്ളവർക്ക്​ തരപ്പെടുത്തി കൊടുക്കുന്നുവെന്ന പരാതി വ്യാപകമാണ്​. ഇതുകാരണം, നേരത്തേ വന്നവർക്ക്​ മുഴുവൻ ടിക്കറ്റ് കിട്ടാതെ പോകുന്നുവെന്നാണ്​ ആരോപണം. കുടുംബത്തിലെ ഒന്നോ രണ്ടോ പേർ യാത്ര ചെയ്യുകയും ബാക്കിയുള്ളവരുടേത്​ മുടങ്ങുകയും ചെയ്യുന്നത്​ പതിവാണ്​ . കിട്ടിയ ടിക്കറ്റുമായി കപ്പലിൽ കയറുമ്പോഴുള്ള കർശന പരിശോധനയിൽ തിരിച്ചറിയൽരേഖയിലെ പേരിലും ടിക്കറ്റിലെ പേരിലുമുള്ള ചെറിയ അക്ഷര വ്യത്യാസത്തി​​െൻറ കാരണത്താൽ യാത്ര തടഞ്ഞ അനുഭവവും ധാരാളം. ലക്ഷദ്വീപ് പൊലീസി​​െൻറ ഇത്തരം നടപടിയിൽ കിട്ടിയ ടിക്കറ്റ് കീറിക്കളഞ്ഞു പ്രതിഷേധിച്ചവർ പോലുമുണ്ട്​. കൗണ്ടറിൽനിന്നു ജീവനക്കാർ ക്രമമില്ലാതെയാണ്​ ടിക്കറ്റ് നൽകുന്നത്​​എന്നതിനാൽ ക്യൂവിൽ ഉന്തലും തള്ളലും കശപിശയും നിത്യ സംഭവമാണ്.