കാറും ബൈക്കും കൂട്ടിയിടിച്ച് ബൈക്ക് യാത്രികർക്കും കാൽനടയാത്രികക്കും പരിക്ക്

പേരാമ്പ്ര: കൂത്താളിയിൽ കാറും ബൈക്കും കൂട്ടിയിടിച്ച് രണ്ട് ബൈക്ക് യാത്രികർക്കും ഒരു കാൽനടയാത്രികക്കും പരിക്കേറ്റു. ബൈക്ക് യാത്രികരായ പാലേരി വലിയപറമ്പിൽ ജയറാം (49), മാണിക്കാംകണ്ടി ഷാജി (40), കാൽനടയാത്രിക കൂത്താളി പുത്തൻപുരയിൽ ലീല (46) എന്നിവർക്കാണ് പരിക്കേറ്റത്. ബൈക്ക് യാത്രികരെ കോഴിക്കോട് മെഡിക്കൽ കോളജ് ആശുപത്രിയിലും ലീലയെ പേരാമ്പ്ര താലൂക്ക് ആശുപത്രിയിലും പ്രവേശിപ്പിച്ചു. കാറിലിടിച്ച ബൈക്ക് നടന്നുപോകുകയായിരുന്ന ലീലയുടെ ശരീരത്തിലേക്ക് മറിയുകയായിരുന്നു. വ്യാഴാഴ്ച ഉച്ചക്ക് ഒരു മണിയോടെയാണ് അപകടം. kp9