ഫീസ്​വർധന: പാവപ്പെട്ട വിദ്യാർഥികളുടെ മെഡിക്കൽ വിദ്യാഭ്യാസം അട്ടിമറിക്കും ^എം.എസ്​.എഫ്

ഫീസ്വർധന: പാവപ്പെട്ട വിദ്യാർഥികളുടെ മെഡിക്കൽ വിദ്യാഭ്യാസം അട്ടിമറിക്കും -എം.എസ്.എഫ് കോഴിക്കോട്: സ്വാശ്രയ മെഡിക്കൽ ഫീസ് വർധന പാവപ്പെട്ട വിദ്യാർഥികളുടെ മെഡിക്കൽ വിദ്യാഭ്യാസം അട്ടിമറിക്കുമെന്ന് എം.എസ്.എഫ് സംസ്ഥാന പ്രസിഡൻറ് മിസ്ഹബ് കീഴരിയൂർ, ജനറൽ സെക്രട്ടറി എം.പി. നവാസ് എന്നിവർ അഭിപ്രായപ്പെട്ടു. യു.ഡി.എഫ് സർക്കാർ ഭരിച്ചിരുന്ന 2015ൽ 1.75 ലക്ഷം ആയിരുന്ന ഫീസ് ഇടതുസർക്കാർ ഫീസ് ഏകീകരണത്തി​െൻറ പേരിൽ മെറിറ്റ് സീറ്റിൽ ഇരട്ടിയിലധികം വർധിപ്പിച്ച് 5.5 ലക്ഷം രൂപയാണാക്കിയത്. വിദ്യാർഥികളോടുള്ള വഞ്ചന അവസാനിപ്പിച്ച് ഭീമമായ ഫീസ് വർധന പിൻവലിക്കാൻ സർക്കാർ തയാറായില്ലെങ്കിൽ ശക്തമായ പ്രക്ഷോഭങ്ങൾക്ക് നേതൃത്വം നൽകും. പാവപ്പെട്ട വിദ്യാർഥികളുടെ മെഡിക്കൽവിദ്യാഭ്യാസം സംരക്ഷിക്കണം എന്ന ആവശ്യത്തിൽ എം.എസ്.എഫ് കോടതിയെ സമീപിക്കുമെന്നും ഇരുവരും പ്രസ്താവനയിൽ വ്യക്തമാക്കി.