ആരോഗ്യമെഡിക്കൽ ക്യാമ്പും ബോധവത്കരണ ക്ലാസും

ഫറോക്ക്: പനിബാധിത പ്രദേശമായ രാമനാട്ടുകര നഗരസഭയിലെ കോടമ്പുഴ മേഖലയിൽ നടത്തി. പ്രാഥമിക ആരോഗ്യ കേന്ദ്രത്തി​െൻറയും വോയ്സ് ഓഫ് കോടമ്പുഴയുടെയും സംയുക്താഭിമുഖ്യത്തിൽ നടത്തിയ ക്യാമ്പിൽ നൂറുകണക്കിന് ആളുകൾ പങ്കെടുത്തു. ജൂനിയർ ഹെൽത്ത് ഇൻസ്പെക്ടർ സുരേഷ് ബോധവത്കരണ ക്ലാസ് നടത്തി. പി.എച്ച് .സി. അസി. സർജൻ ഡോ. രഞ്ജിത്ത് രോഗികളെ പരിശോധിച്ചു. ഹെൽത്ത് ഇൻസ്പെക്ടർ സി. ഇബ്രാഹിം, ജൂനിയർ ഹെൽത്ത് ഇൻസ്പെക്ടർ സോണി ആൽബർട്ട്, കൗൺസിലർമാരായ കള്ളിയിൽ റഫീഖ്, കെ.അബ്ദുൽ ഫൈസൽ, പി.ടി. നദീറ, വോയ്സ് ഓഫ് കോടമ്പുഴയുടെ പ്രതിനിധികളായ പി.എം. ഷെരീഫ്, ആർ. സുജനപാലൻ, യൂസഫ് പള്ളിക്കാവിൽ, സി.കെ. നൗഷാദ്, ടി. അനസ്, ആർ.അഖിൽ, ഷെരീഫ്, ടി. ഷാഹുൽ എന്നിവർ നേതൃത്വം നൽകി.