സ്കൂൾ ബസ്​ കൈമാറി

സ്കൂൾ ബസ് കൈമാറി പുറമേരി: കെ.ആർ ഹൈസ്കൂളിന് സ്കൂൾ ബസ് കൈമാറി. ബസി​െൻറ താക്കോൽ പഞ്ചായത്ത് പ്രസിഡൻറ് കെ. അച്യുത​െൻറ സാന്നിധ്യത്തിൽ കെ. വത്സൻ പ്രധാനാധ്യാപിക എം.കെ. ശോഭക്ക് കൈമാറി. വളയത്ത് വാഷ് പിടികൂടി വളയം: മലയോരത്ത് എക്സൈസ് നടത്തിയ റെയ്ഡിൽ 120 ലിറ്റർ വാഷ് പിടികൂടി. ആയോട് മലയിലെ എളമ്പ തോടിന് സമീപത്ത് നിന്നാണ് നാദാപുരം എക്സൈസ് സംഘം വാഷ് പിടികൂടിയത്. രഹസ്യവിവരത്തെതുടർന്ന് എളമ്പതോട് പരിസരത്ത് നടത്തിയ പരിശോധനയിലാണ് തോടിനരികിൽ കുറ്റിക്കാട്ടിൽ ഒളിപ്പിച്ച നിലയിൽ രണ്ട് കന്നാസുകളിലായി 120 ലിറ്റർ വാഷ് കണ്ടെത്തിയത്. പ്രതിയെ കണ്ടെത്താനായി അന്വേഷണം ഊർജിതമാക്കി. പ്രിവൻറിവ് ഓഫിസർ കെ.കെ. ശ്രീജിത്ത്, സി.ഇ.ഒമാരായ കെ.കെ. ജയൻ, സി.എം. സുരേഷ്കുമാർ, വനിത സി.ഇ.ഒമാരായ രഞ്ജിനി, നിഷ, ഡ്രൈവർ പ്രജീഷ് എന്നിവർ നടത്തിയ പരിശോധനയിലാണ് വാഷ് കണ്ടെത്തിയത്.