കർഷക​െൻറ ആത്മഹത്യയിൽ നടുങ്ങി ചെമ്പനോട; ചക്കിട്ടപാറ പഞ്ചായത്തിൽ ഇന്ന് ഹർത്താൽ

പേരാമ്പ്ര: കർഷകൻ കാവിൽ പുരയിടത്തിൽ ജോയിയുടെ ആത്മഹത്യയിൽ വിറങ്ങലിച്ചിരിക്കുകയാണ് ചെമ്പനോട ഗ്രാമം. ബുധനാഴ്ച രാത്രി ഒമ്പതിനാണ് വില്ലേജ് ഒാഫിസി​െൻറ ഗ്രില്ലിൽ കർഷകൻ തൂങ്ങിമരിക്കുന്നത്. ത​െൻറ ഭാര്യയുടെ പേരിലുള്ള സ്ഥലത്തിന് നികുതി സ്വീകരിക്കാത്തതിൽ മനംനൊന്തായിരുന്നു ആത്മഹത്യ. ഇദ്ദേഹം പലവട്ടം വില്ലേജ് അധികൃതരോട് ആത്മഹത്യ ചെയ്യുമെന്ന് പറഞ്ഞിരുന്നത്രെ. വർഷങ്ങളായി വില്ലേജ് ഒാഫിസ് കയറിയിറങ്ങിയ ഇദ്ദേഹത്തി​െൻറ ആവശ്യം നിറവേറ്റാത്ത അധികൃതരുടെ നടപടിയിൽ നാട്ടുകാർ രോഷാകുലരാണ്. വൻ ജനാവലിയാണ് വില്ലേജ് ഒാഫിസ് പരിസരത്ത് തടിച്ചുകൂടിയത്. സംഭവത്തിൽ പ്രതിഷേധിച്ച് കോൺഗ്രസ് കമ്മിറ്റി ചക്കിട്ടപാറ പഞ്ചായത്തിൽ വ്യാഴാഴ്ച ഹർത്താലിന് ആഹ്വാനം ചെയ്തു. രാവിലെ ആറു മുതൽ വൈകീട്ട് ആറു വരെയാണ് ഹർത്താൽ.