പന്നിക്കോട് ഫൈവ്സ് : ലാ ലിഗ എഫ്.സി ജേതാക്കൾ

പന്നിക്കോട് ഫൈവ്സ്: ലാ ലിഗ എഫ്.സി ജേതാക്കൾ കൊടിയത്തൂർ: കഴിഞ്ഞ ഒരാഴ്ചയായി പന്നിക്കോട് നടന്നുവരുന്ന ഫൈവ്സ് ഫുട്ബാൾ ടൂർണമ​െൻറിൽ ലാ ലിഗ എഫ്.സി ജേതാക്കളായി. ഫൈനലിൽ ഹീറോസ് പന്നിക്കോടിനെ ഒന്നിനെതിരെ രണ്ട് ഗോളുകൾക്കാണ് പരാജയപ്പെടുത്തിയത്. വിജയികൾക്ക് നാട്ടുകൂട്ടം സ്പോൺസർ ചെയ്ത സമ്മാനത്തുകയും രമേശ് പണിക്കർ സ്പോൺസർ ചെയ്ത ട്രോഫിയും കൊടിയത്തൂർ സർവിസ് സഹകരണ ബാങ്ക് ശാഖാ മാനേജർ കെ. ഉണ്ണികൃഷ്ണൻ വിതരണം ചെയ്തു. മികച്ച കളിക്കാരനായി സനൽ ഷാജിയും ഡിഫൻഡറായി റഫീഖ് പരപ്പിലും ഗോൾകീപ്പറായി ഫസലുറഹ്മാനും ഫൈനലിലെ മികച്ച കളിക്കാരനായി വിഷ്ണുദത്തനും തെരഞ്ഞെടുക്കപ്പെട്ടു. പന്നിക്കോട് പ്രദേശത്തെ 120ഓളം കളിക്കാരെ ഉൾപ്പെടുത്തിയാണ് ഈവനിങ് ടൂർണമ​െൻറ് സംഘടിപ്പിച്ചത്.