റേഷൻ കാർഡ്​: അർഹരെ ഒഴിവാക്കിയത്​ തിരുത്തണം ^സി.പി.എം

റേഷൻ കാർഡ്: അർഹരെ ഒഴിവാക്കിയത് തിരുത്തണം -സി.പി.എം കോഴിക്കോട്: പുതിയ റേഷൻ കാർഡിൽ അർഹരെ മുൻഗണന പട്ടികയിൽനിന്ന് ഒഴിവാക്കിയ നടപടി തിരുത്തണമെന്ന് സി.പി.എം ജില്ല സെക്രേട്ടറിയറ്റ് ആവശ്യപ്പെട്ടു. ജില്ല ഭരണകൂടത്തി​െൻറയും സിവിൽ സപ്ലൈസ് വകുപ്പി​െൻറയും അടിയന്തര ഇടപെടൽ ഇക്കാര്യത്തിൽ ഉണ്ടാവണം. സംസ്ഥാന സർക്കാറി​െൻറ എതിർപ്പിനെ അവഗണിച്ച് ഭക്ഷ്യഭദ്രത നിയമം അടിച്ചേൽപിച്ച കേന്ദ്രസർക്കാർ നിലപാടാണ് പ്രതിസന്ധിക്ക് കാരണമായത്. ഭക്ഷ്യഭദ്രത നിയമത്തിലെ വ്യവസ്ഥകൾ ഭൂരിപക്ഷ കുടുംബങ്ങളുടെയും റേഷൻ ആനുകൂല്യത്തിൽനിന്ന് ഒഴിവാക്കുന്നതാണ്. കോൺഗ്രസ്-ബി.ജെ.പി സർക്കാറുകൾ അടിച്ചേൽപിച്ച നവലിബറൽ നയങ്ങളാണ് കേരളത്തിലെ പൊതുവിതരണ സമ്പ്രദായത്തെ പ്രതിസന്ധിയിലാക്കിയതെന്ന് സെക്രേട്ടറിയറ്റ് പ്രസ്താവനയിൽ പറഞ്ഞു.