വയലിലേക്ക്​ കക്കൂസ്​ മാലിന്യം ഒഴുക്കി

വയലിലേക്ക് കക്കൂസ് മാലിന്യം ഒഴുക്കി കക്കോടി: റോഡരികിൽ കക്കൂസ് മാലിന്യം തള്ളി. കക്കോടി ചാലിൽത്താഴത്ത് റോഡരികിലെ മനോട്ടിൽ വയലിലേക്കാണ് വ്യാഴാഴ്ച അർധരാത്രി അജ്ഞാതർ മാലിന്യമൊഴുക്കി കടന്നുകളഞ്ഞത്. പറമ്പിൽ ബസാർ, മല്ലിശ്ശേരിതാഴം, കുമാരസ്വാമി ഭാഗങ്ങളിൽ അടുത്തിടെ മാലിന്യം തള്ളിയിരുന്നു. കനാലിലേക്കും തോട്ടിലേക്കും മാലിന്യമൊഴുക്കിയതുമൂലം ജനങ്ങളുടെ കുടിവെള്ളം മുട്ടിയിരുന്നു. ആശുപത്രികളിലെയും ഹോട്ടലുകളിലേയും കക്കൂസ് മാലിന്യം ടാങ്കറുകളിൽ കൊണ്ടുവന്നു ഒഴുക്കുകയാണ്. ഇൗ ഭാഗത്തുകൂടി രാത്രി കടന്നുപോകുന്ന ടാങ്കറുകളെ തടയാനുള്ള ശ്രമത്തിലാണ് പരിസരവാസികൾ. കക്കോടി പ്രാഥമികാരോഗ്യ കേന്ദ്രത്തിലെ ജെ.എച്ച്.െഎ മാരായ സുജിത് കുമാർ, പി.സി. ബാബുരാജ് എന്നിവരുടെ നേതൃത്വത്തിൽ ക്ലോറിനേഷൻ നടത്തി. പടം: kakkoosmalinyam.jpg ചാലിൽതാഴം റോഡിൽ മനോട്ടിൽ വയലിലേക്ക് കക്കൂസ് മാലിന്യം ഒഴുക്കിയ നിലയിൽ അവാർഡ് വിതരണം കോഴിക്കോട്: കുഞ്ഞത് കല്ല് ശാഖ മുസ്ലിം ലീഗ് കമ്മിറ്റിയുടെ കെ. പോക്കർ പി.പി.എസ്. തങ്ങൾ സ്മാരക അവാർഡുകൾ മുസ്ലിം ലീഗ് സംസ്ഥാന സെക്രട്ടറി എം.സി. മായിൻഹാജി വിതരണം ചെയ്തു. ശാഖ പ്രസിഡൻറ് എ.ടി. മൊയ്തീൻകോയ അധ്യക്ഷത വഹിച്ചു.