ഒരു വർഷംകൊണ്ട് അഴിമതി തുടച്ചുനീക്കി^മന്ത്രി തോമസ് ഐസക്​

ഒരു വർഷംകൊണ്ട് അഴിമതി തുടച്ചുനീക്കി-മന്ത്രി തോമസ് ഐസക് ഒരു വർഷം കൊണ്ട് അഴിമതി തുടച്ചുനീക്കി -തോമസ് ഐസക് പേരാമ്പ്ര: ഒരു വർഷംകൊണ്ട് എല്ലാ മേഖലയിലേയും അഴിമതി തുടച്ചുമാറ്റി പുരോഗതി കൈവരിക്കാനായെന്നും മന്ത്രി ഡോ. ടി.എം. തോമസ് ഐസക്. എൽ.ഡി.എഫ് സർക്കാറി​െൻറ ഒന്നാം വാർഷിക പരിപാടിയുടെ ഭാഗമായി നടന്ന പൊതുസമ്മേളനം പേരാമ്പ്രയിൽ ഉദ്ഘാടനം ചെയ്യുകയായിരുന്നു അദ്ദേഹം. പൊതു വിദ്യാഭ്യാസ സംരക്ഷണത്തിന് 4000 കോടി നീക്കിവെക്കാനാണ് സർക്കാർ ഉദ്ദേശിക്കുന്നത്. കേരളം തരിശുരഹിത സംസ്ഥാനമായി മാറിക്കൊണ്ടിരിക്കുകയാണ്. കയർ, കശുവണ്ടി, കൈത്തറി മേഖലയുടെ സംരക്ഷണത്തിന് തുക വകയിരുത്തിയതായും മന്ത്രി പറഞ്ഞു. മന്ത്രി ടി.പി. രാമകൃഷ്ണൻ അധ്യക്ഷത വഹിച്ചു. സി.പി.ഐ സംസ്ഥാന എക്സി. അംഗം സി.എൻ. ചന്ദ്രൻ, എ.കെ. പത്മനാഭൻ, കെ. കുഞ്ഞമ്മദ്, എ.കെ. ചന്ദ്രൻ, കെ.പി.എം ബാലകൃഷ്ണൻ, എം. കുഞ്ഞമ്മത്, എൻ.കെ. രാധ, കെ. പ്രദീപൻ, കെ.പി. ആലിക്കുട്ടി, എൻ.പി. ബാബു എന്നിവർ സംസാരിച്ചു. പേരാമ്പ്രയിൽ വിവിധ പഞ്ചായത്ത് കമ്മിറ്റികളുടെ നേതൃത്വത്തിൽ പ്രകടനങ്ങളും നടന്നു.