ബി.ജെ.പി സംസ്​ഥാന സെക്രട്ടറി വി.കെ. സജീവന് വധഭീഷണി

വടകര: ബി.ജെ.പി സംസ്ഥാന സെക്രട്ടറി വി.കെ. സജീവന് ഫേസ്ബുക്കിലൂടെ വധഭീഷണിയെന്ന് പരാതി. മേമുണ്ട സ്വദേശിയാണ് ത​െൻറ ഫേസ്ബുക്ക് അക്കൗണ്ടിലൂടെ 'ഇനിയും കളിച്ചാൽ സജീവനെ തീർക്കുമെന്ന്' മുന്നറിയിപ്പു നൽകിയതെന്ന് പറയുന്നു. ഇതുസംബന്ധിച്ച് ഫേസ്ബുക്കി​െൻറ പകർപ്പു സഹിതം സജീവൻ റൂറൽ എസ്.പിക്ക് പരാതി നൽകി. വടകര പൊലീസ് കേസെടുത്ത് അന്വേഷണം ആരംഭിച്ചു. സി.ഐ മധുസൂദനൻ നായർക്കാണ് അന്വേഷണച്ചുമതല. ഐ.ടി ആക്ട് പ്രകാരമാണ് കേസെടുത്തത്. കഴിഞ്ഞ ദിവസം സജീവ‍​െൻറ വള്ള്യാട്ടെ വീടിനുനേരെ ആക്രമണമുണ്ടായിരുന്നു.