ചക്കിലിയൻ സമുദായാംഗങ്ങൾക്ക് പട്ടികജാതി സംവരണം ഉറപ്പുവരുത്തണം

കോഴിക്കോട്: ചക്കിലിയൻ സമുദായാംഗങ്ങളുടെ പട്ടികജാതി സംവരണം ഉറപ്പുവരുത്തുന്നതിനാവശ്യമായ നടപടികൾ സ്വീകരിക്കണമെന്നാവശ്യപ്പെട്ട് എം.കെ. രാഘവൻ എം.പി കേന്ദ്ര സാമൂഹിക നീതി മന്ത്രിക്കും സംസ്ഥാന സാമൂഹിക നീതി മന്ത്രി കെ.കെ ഷൈലജക്കും കത്തയച്ചു. കേരളത്തിലെ പതിനായിരക്കണക്കിനു വരുന്ന ചക്കിലിയൻ സമുദായാംഗങ്ങളിൽ മിക്കവരും 1950നു മുമ്പ് കുടിയേറിപ്പാർത്തവരാണെന്ന രേഖകൾ കൈവശമില്ലാത്തതിനാൽ അർഹമായ പട്ടികജാതി സംവരണാനുകൂല്യങ്ങൾ ലഭിക്കാതെ ദുരിതത്തിലായിരിക്കുകയാണ്. ഇത് സബന്ധിച്ച് സംസ്ഥാന സർക്കാറിനും കേന്ദ്ര സാമൂഹികനീതി മന്ത്രാലയത്തിനും അപേക്ഷകൾ സമർപ്പിച്ച് പാർലമ​െൻറിൽ വിഷയമുന്നയിച്ചിട്ടും തീരുമാനമാകാതെ നീണ്ടുപോകുകയാണെന്നും ചൂണ്ടിക്കാട്ടി.