ലോറിയിടിച്ച്​ മരിച്ചയാളെ തിരിച്ചറിഞ്ഞില്ല

കോഴിക്കോട്: ലോറിയിടിച്ച് മരിച്ച വയോധികനെ തിരിച്ചറിഞ്ഞില്ല. തിങ്കളാഴ്ച വൈകീട്ട് അഞ്ചരയോടെ തൊണ്ടയാട് ബൈപാസിൽ നേതാജി നഗറിനടുത്തുണ്ടായ അപകടത്തിലാണ് ഇദ്ദേഹം മരിച്ചത്. മൃതദേഹം മെഡിക്കൽ കോളജ് മോർച്ചറിയിൽ സൂക്ഷിച്ചിരിക്കയാണ്. 70 വയസ്സ് തോന്നിക്കുന്ന ഇദ്ദേഹത്തിന് 157 സ​െൻറിമീറ്ററാണ് ഉയരം. ഇരുനിറം, കഷണ്ടിയോടുകൂടിയ നരച്ചമുടി. വെള്ളയിൽ റോസ് നിറത്തിലുള്ള വരകളോടുകൂടിയ ഷർട്ടും കാപ്പി നിറത്തിലുള്ള പാൻറ്സുമാണ് വേഷം. ഇദ്ദേഹത്തെക്കുറിച്ച് എന്തെങ്കിലും വിവരം ലഭിക്കുന്നവർ 9497987176, 9497963589 എന്നീ ഫോൺ നമ്പറുകളിൽ ബന്ധപ്പെടണമെന്ന് ട്രാഫിക് പൊലീസ് അറിയിച്ചു.