ഉന്നത വിജയികളെ അനുമോദിച്ചു

പേരാമ്പ്ര: കൂത്താളി രണ്ടേയാറിലെ ഉദയ സ്വയം സഹായ സംഘം ആഭിമുഖ്യത്തിൽ വിവിധ പരീക്ഷകളിൽ ഉന്നതവിജയം നേടിയവരെ ആദരിച്ചു. ഫിസിക്സിൽ ഡോക്ടറേറ്റ് നേടിയ ഡോ. കെ. ജയകൃഷ്ണൻ, എസ്‌.എസ്‌.എൽ.സിക്ക് ഉന്നതവിജയം നേടിയ വിദ്യാർഥികൾ എന്നിവരെയാണ് ആദരിച്ചത്. സിനിമ-നാടക നടൻ മുഹമ്മദ് പേരാമ്പ്ര ഉദ്ഘാടനം ചെയ്തു. പഞ്ചായത്തംഗം ഷിജു പുല്യോട്ട് അധ്യക്ഷത വഹിച്ചു. ഇ.ടി. സത്യൻ, സത്യൻ കടിയങ്ങാട്, ടി. കൃഷ്ണൻകുട്ടി, ഒ.വി. രാജേഷ്, സി.പി. ഷാജി, എ.കെ. രജീഷ് കുമാർ, വി.പി. സന്തോഷ്, കെ.സി. അച്യുതൻ എന്നിവർ സംസാരിച്ചു.