അടച്ചിട്ട കടയിൽ സൂക്ഷിച്ച അരിയും ഗോതമ്പും പിടികൂടി

കോഴിക്കോട്: റേഷൻ കടകളിൽ വിതരണത്തിനെത്തിച്ചതെന്ന് കരുതുന്ന അരിയും ഗോതമ്പും വലിയങ്ങാടി ഹലുവ ബസാറിലെ അടച്ചിട്ട കടയിൽ നിന്ന് പിടികൂടി. 54 ചാക്ക് അരിയും 18 ചാക്ക് ഗോതമ്പുമാണ് ജില്ല സപ്ലൈ ഒാഫിസർ മനോജ്കുമാറി​െൻറ നേതൃത്വത്തിലുള്ള സംഘം പിടികൂടിയത്. 50 കിലോ വീതമുള്ള ചാക്കുകളിൽ സൂക്ഷിച്ച നിലയിലായിരുന്നു. റേഷനരി പൂഴ്ത്തിെവച്ചതായി രഹസ്യ വിവരം ലഭിച്ചതി​െൻറയടിസ്ഥാനത്തിൽ പൊലീസ് സഹായത്തോടെ കടയുടെ ഷട്ടർ ബലമായി തുറന്ന ശേഷമാണ് ധാന്യങ്ങൾ പിടികൂടിയത്. ഇവ എഫ്.സി.െഎയിൽ പരിശോധനക്കയച്ചശേഷം തുടർ നടപടിയുണ്ടാവുമെന്ന് ജില്ല സപ്ലൈ ഒാഫിസർ പറഞ്ഞു. താലൂക്ക് സപ്ലൈ ഒാഫിസർ ജയകുമാർ, സിറ്റി റേഷനിങ് ഒാഫിസർ സനൽകുമാർ, േറഷനിങ് ഇൻസ്പെക്ടർമാരായ സത്യജിത്, അബ്ദുൽ ഖാദർ എന്നിവരുടെ നേതൃത്വത്തിലായിരുന്നു പരിശോധന.