കെ.എ.ടി.എഫ് ഡി.ഡി.ഇ ഓഫിസ് ധർണ

കൊടുവള്ളി: ഡി.ഡി.ഇ ഓഫിസിന് മുന്നിൽ അറബി അധ്യാപകർ ധർണ നടത്തി. തസ്തികനിർണയത്തിലെ അപാകത പരിഹരിക്കുക, സർവിസിലുള്ള മുഴുവൻ അധ്യാപകർക്കും ശമ്പളവും ജോലിസ്ഥിരതയും ഉറപ്പുവരുത്തുക, ഹയർ സെക്കൻഡറിയിലെ ഭാഷാപഠന സൗകര്യം പുനഃസ്ഥാപിക്കുക, 12 പീരിയഡുള്ള ഭാഷാധ്യാപകർക്ക് ഫുൾടൈം തസ്തിക അനുവദിക്കുക തുടങ്ങിയ ആവശ്യങ്ങളുന്നയിച്ചാണ് ധർണ നടത്തിയത്. മുസ്ലിം ലീഗ് ജില്ല വൈസ് പ്രസിഡൻറ് വി.എം. ഉമ്മർ മാസ്റ്റർ ഉദ്ഘാടനം ചെയ്തു. കെ.എ.ടി.എഫ് സംസ്ഥാന ട്രഷറർ കെ.കെ.എ. ജബ്ബാർ ആമുഖപ്രഭാഷണം നടത്തി.