അച്ഛൻ മരിച്ചിട്ടും നീ വന്നില്ലല്ലോ മോനേ

പേരാമ്പ്ര: 'അച്ഛൻ പോയി മോനേ, ഇനി ഈ അമ്മ തനിച്ചാണ് ഇവിടെ, ഇനിയുള്ള കാലമെങ്കിലും മോ​െൻറ കൂടെ താമസിക്കണം, മോനെവിടെയാണെങ്കിലും വാ' -83കാരിയായ ഒരമ്മയുടെ രോദനമാണിത്. ഇവരുടെ മകൻ കൂത്താളി പൈതോത്ത് കുണ്ടയോട്ടുചാലിൽ മീത്തൽ രാജേഷ് കുമാറിനെ (42) അഞ്ചു മാസം മുമ്പാണ് കാണാതായത്. രണ്ടാഴ്ച മുമ്പ് ഇദ്ദേഹത്തി​െൻറ അച്ഛൻ മരിച്ചതോടെ വാർധക്യസഹജമായ രോഗം അലട്ടുന്ന അമ്മ കല്യാണി വീട്ടിൽ തനിച്ചായി. കാലപ്പഴക്കത്താൽ ജീർണിച്ച വീട്ടിൽ കാറ്റിലും മഴയിലും ഒറ്റക്ക് കഴിയുകയാണ് ഈ വയോധിക. രാജേഷ് നാടുവിട്ടതോടെ ഇയാളുടെ ഭാര്യയും കുട്ടിയും സ്വന്തം വീട്ടിലേക്ക് പോയി. കല്യാണി അമ്മക്ക് മറ്റു മക്കളുണ്ടെങ്കിലും അവർ വേറെയാണ് താമസിക്കുന്നത്. വെളുത്ത നിറവും ഒത്ത ശരീരപ്രകൃതവുമുള്ള രാജേഷിനെ കണ്ടെത്തുന്നവർ അടുത്ത പൊലീസ് സ്റ്റേഷനിലോ 04962610242 നമ്പറിലോ അറിയിക്കണമെന്ന് പേരാമ്പ്ര പൊലീസ് അറിയിച്ചു.