കുടിശ്ശിക ഒറ്റത്തവണയായി നൽകണം ^കെ.എസ്​.എസ്​.പി.യു

കുടിശ്ശിക ഒറ്റത്തവണയായി നൽകണം -കെ.എസ്.എസ്.പി.യു നന്മണ്ട: പെൻഷൻ പരിഷ്കരണ കുടിശ്ശിക ഒറ്റത്തവണയായി നൽകണമെന്നും ഒരു മാസത്തെ പെൻഷന് തുല്യമായ സംഖ്യ ഉത്സവബത്തയായി നൽകണമെന്നും സർവിസ് പെൻഷൻകാർക്കായി സർക്കാർ നിർദേശിച്ച പ്രത്യേക ചികിത്സ പദ്ധതി ഉടൻ നടപ്പാക്കണമെന്നും കേരള സ്റ്റേറ്റ് സർവിസ് പെൻഷനേഴ്സ് നന്മണ്ട ഇൗസ്റ്റ് യൂനിറ്റ് കൺവെൻഷൻ ആവശ്യപ്പെട്ടു. നന്മണ്ട പഞ്ചായത്ത് പ്രസിഡൻറ് കുണ്ടൂർ ബിജു ഉദ്ഘാടനം ചെയ്തു. കാപ്പിൽ ചാലിൽ ഉണ്ണി അധ്യക്ഷത വഹിച്ചു. മുതിർന്ന അംഗങ്ങളെ ചേളന്നൂർ ബ്ലോക്ക് പഞ്ചായത്ത് സ്റ്റാൻറിങ് കമ്മിറ്റി ചെയർമാൻ എം. ഗംഗാധരൻ ആദരിച്ചു. നവാഗതരെ അശോകൻ കൊടക്കാട് സ്വീകരിച്ചു. കോട്ടാടി പറമ്പത്ത് ജനാർദനൻ, എൻ.കെ. രാമൻകുട്ടി, കരായിൽ ജയശ്രീ എന്നിവർ സംസാരിച്ചു. സെക്രട്ടറി കെ.വി. പ്രഭാകരൻ സ്വാഗതവും ട്രഷറർ സി.പി. ലക്ഷ്മിക്കുട്ടി നന്ദിയും പറഞ്ഞു. nanma10.jpg കേരള സ്റ്റേറ്റ് സർവിസ് പെൻഷനേഴ്സ് യൂനിയൻ നന്മണ്ട ഇൗസ്റ്റ് പ്രത്യേക കൺവെൻഷൻ സാംസ്കാരിക നിലയത്തിൽ പഞ്ചായത്ത് പ്രസിഡൻറ് കുണ്ടൂർ ബിജു ഉദ്ഘാടനം ചെയ്യുന്നു