സ്​റ്റേഷനിൽ പൊലീസുകാരനെ മർദിച്ചതായി പരാതി;

എസ്.എഫ്.ഐ നേതാക്കൾ കസ്റ്റഡിയിൽ മുക്കം: മുക്കം നഗരസഭയിലെ ഒരു സ്കൂളിൽ നടന്ന റാഗിങ്ങുമായി ബന്ധപ്പെട്ട പരാതിയിൽ മധ്യസ്ഥ ശ്രമത്തിനായി രക്ഷിതാക്കളോടൊപ്പം സ്റ്റേഷനിലെത്തിയ എസ്.എഫ്.ഐ നേതാക്കൾ പൊലീസുകാരനെ അക്രമിച്ചതായി പരാതി. രക്ഷിതാക്കൾ സ്റ്റേഷനുള്ളിലേക്ക് കയറിയതോടെ കൂട്ടമായെത്തിയ എസ്.എഫ്.ഐ പ്രവർത്തകരും സ്റ്റേഷഷനുള്ളിലേക്ക് തള്ളിക്കയറുകയായിരുന്നു. ഇത് തടഞ്ഞ സിവിൽ പൊലീസ് ഓഫിസറുമായി എസ്.എഫ്.ഐ പ്രവർത്തകർ ഏറ്റുമുട്ടി. അക്രമത്തിൽ സിവിൽ പൊലീസ് ഓഫിസർ സമീറിന് പരിക്കേറ്റെന്നും വിസിൽ കോഡ് വലിച്ചുപൊട്ടിച്ചെന്നും പൊലീസ് പറയുന്നു. ഇതേതുടർന്ന് എസ്.എഫ്.ഐ ജില്ല വൈസ് പ്രസിഡൻറ് അരുൺ ഒഴലോട്ട്, ഏരിയ സെക്രട്ടറി റഫീഖ് ചോണാട്, അഭിജിത്ത് എന്നിവരെ െപാലീസ് തടഞ്ഞുവെക്കുകയായിരുന്നു. ഇതോടെ എസ്.എഫ്.ഐ നേതാക്കളെ വിട്ടുകിട്ടണമെന്നാവശ്യപ്പെട്ട് എസ്.എഫ്.ഐ പ്രവർത്തകർ സ്റ്റേഷനിൽ കുത്തിയിരിപ്പ് ആരംഭിച്ചു. സ്ഥലത്ത് സംഘർഷാവസ്ഥ ഉടലെടുത്തതിനെ തുടർന്ന് സ്റ്റേഷനിലെത്തിയ കൊടുവള്ളി സി.ഐ എൻ. ബിശ്വാസി​െൻറ നേതൃത്വത്തിലുള്ള പൊലീസ് സംഘം പ്രവർത്തകരെ പിരിച്ചുവിട്ടതിന് ശേഷം പൊലീസുകാര​െൻറ പരാതിയിൽ അരുണിനെയും മറ്റു നേതാക്കളേയും കസ്റ്റഡിയിലെടുക്കുകയായിരുന്നു. സ്ഥലത്ത് സംഘർഷാവസ്ഥ ഏറെ വൈകിയും നിലനിൽക്കുകയാണ്.