ലോകയുവജന നൈപുണി ദിനാചരണം

ചേന്ദമംഗല്ലൂർ: ഐക്യരാഷ്ട്ര സഭയുടെ ആഹ്വാന പ്രകാരം ലോകയുവജന നൈപുണി ദിനം ചേന്ദമംഗല്ലൂർ ഹയർ സെക്കൻഡറി സ്കൂളിൽ നടന്നു. അസാപ് ഘടകമാണ് വിവിധ പരിപാടികളോടെ ദിനാചരണം സംഘടിപ്പിച്ചത്. ദിനാഘോഷവും പോസ്റ്റർ പ്രദർശനവും മുക്കം നഗരസഭ കൗൺസിലർ ഷഫീഖ് മാടായി ഉദ്ഘാടനം ചെയ്തു. വൈസ് പ്രിൻസിപ്പൽ ഒ. ശരീഫുദ്ദീൻ മുഖ്യപ്രഭാഷണം നടത്തി. കോ-ഓഡിനേറ്റർ എസ്. ഖമറുദ്ദീൻ അധ്യക്ഷത വഹിച്ചു. രിഷ്ത ബാനു ദിനാചരണ സന്ദേശം നൽകി. ഹസ്ബുല്ല, റഫീഖ് എന്നിവർ സംസാരിച്ചു. സി.കെ. അൻഷിഫ, ഒ. രോഷ്നി, എം. സുമ്ന, മുഹമ്മദ് ഷിറാസ്, വിഷ്ണു ദേവരാജ്, സന ഷെരീഫ് എന്നിവർ നേതൃത്വം നൽകി.