കലക്​ടറേറ്റിൽ വീണ്ടും പാമ്പ്​; ഇത്തവണ മൂർഖൻ

കോഴിക്കോട്: കലക്ടറേറ്റിൽ വീണ്ടും പാമ്പ്. ഇത്തവണ മൂർഖനെയാണ് പിടികൂടിയത്. ഉച്ചക്കുശേഷം മൂന്നരയോടെ കലക്ടേററ്റിലെ താഴെനിലയിൽ ജില്ല ട്രഷറിയിലെ ജീവനക്കാരാണ് പതിയിരുന്ന മൂർഖനെ കണ്ടത്. കഴിഞ്ഞ ദിവസം തപാൽ സെക്ഷനിലും പാമ്പിനെ കണ്ടിരുന്നു. ചുറ്റും വളർന്ന പൊന്തക്കാടിനുള്ളിൽനിന്നാണ് പാമ്പ് വന്നതെന്നാണ് നിഗമനം. ജീവനക്കാർ പാമ്പിനെ വനംവകുപ്പിന് കൈമാറി.